Bigger Burger Cafe (已結業)

越邪惡嘅食物就越多人鍾意食,特別係burger同薯條依類型嘅食物,但同樣地高質嘅burger亦都唔係咁容易食到。聽聞依到嘅burger質素唔錯所以就約埋朋友仔一齊去試。雞翼配上黑胡椒同火辣辣嘅Tabasco,作為餐前小食確實開胃。份量十足夠晒巨型,有兩塊超厚嘅漢堡扒,蕃茄,芝士洋蔥同生菜,個口細D都難以將佢一啖咬晒。漢堡扒大約七成熟,仍然可以見到小小嘅嫩紅色,咬落好juicy肉汁不停澎湃地湧出,絕對啱晒meat lover。漢堡配料基本上就同經典雙層牛肉漢堡嘅差不多,不過只有一塊漢堡扒但就多左塊煙肉。藍芝士醬夠晒惹味同濃郁,同burger好夾。