大喜屋 (已結業)

平日能嘆足三小時的午市放題相信選擇不多，當然要食物有質素，價錢合理，而且服務值得一讚!刺身：有帶子和脱殼虾，可惜没有北寄貝或赤貝。核數師認可!壽司：一般啦，個人認為月xx較好啫!海膽大蝦d海膽燒黑左就無謂，不如食海膽手卷囉。卷物：軟殻蟹太軟了，鰻魚忌廉芝士卷有d膩，不過口感特别。生果：每份只得西瓜及菠蘿各一小件。燒物：鹽燒牛舌超正，有黑椒但不太過。五花腩就太硬。蕃薯仔又可愛又甜呢！羊鞍味道適中，用料不錯。焗蠔也用心製作。唔知係唔係無多春魚就送左條鯖魚黎，叫了兩次都無，不過其他食物都到齊，唔算走單。料理：古法牛舌又林又甜，正係個人喜好！冷烏冬必食，超彈。牛肉鍋d牛肉唔錯，隻蛋就浸唔熟。炸物：年糕又係個人喜好。餃子一客只得一隻，試吓都夠。脆淮山是窄條小食(睇相就明)，加埋枝豆，送酒吹水一流！甜品：只得雀巢雪糕小杯。飲品：全部罐裝，服務員也不停加熱茶。總結就係食左兩個半小時都試唔晒嘅，似乎舊愛要坐吓，等我再來了解多次先！