河內越式料理 (村南道)

營業中

休息中

晚上嚟大圍搵食,同朋友嚟幫襯下食越南野,估唔到入內已經全店滿座,牆身靚靚越式掛飾,有氣氛,欣賞!靚!店員好好既招呼,提醒仲可以叫下午茶,套餐勁抵食,主食可以配小食,叫咗扎肉湯河粉,好快到熱辣辣上枱,再叫個順化蝦餅拼撈檬,撈汁食,蝦餅好出色好,足料夠彈牙,美味!香茅雞翼味道正常,朋友想試就叫咗個招牌越式三文治,估唔到爆餡滿滿的,滿足!越式豬頸肉配甜酸醬美味,好夾囉!二人食叫咗咁多野都食得晒,今晚大滿足!加埋油菜仲有飲品係冰鎮凍奶茶,好香茶味,不太甜喜歡!整體唔錯,唔怪得咁多人幫襯,下次要再嚟食過!