念月樓

營業中

休息中

念月樓餐廳剛剛進駐喺沙田大圍站圍方商場2樓,餐廳裝修高尚典雅,牆身掛上富有中國色彩的掛畫,地方寬敞,令食客食得舒適,餐具充滿中國色彩古典嘅圖案,甚為搶眼,服務員招呼到位,點心都很快上桌。煲湯瓜粒牛肉球餐廳用一個可愛嘅獅子器皿承載冬瓜牛肉球,熱騰騰嘅湯鮮甜不膩,冬瓜粒吸收咗牛肉汁好鮮甜。蜜汁黑毛豬叉燒包黑毛豬叉燒包餡內豬肉肥瘦適中,唔會太鹹或太甜,包質食落鬆軟。芙蓉海鮮芋茸盒入口鬆化內軟,食落滿口香芋和海鮮味,仲有蝦片碎作伴碟。香煎焦糖小米糕小米糕食落有口感,好特別,微甜,係健康嘅甜品點心。紅菜頭水晶餃用紅菜頭做水晶餃外皮,鮮桃紅色的水晶餃都好奪目,餡內有肉碎和鮮蝦,這款特別的點心係做緊善事,用來幫助乳癌的病人。