十二味 (搵食市集)

營業中

休息中

呢一晚約左朋友食飯，因為食之前book左係大圍睇醫生，所以就順便係大圍食埋飯。等緊睇醫生果陣就一路上網睇下有咩好食，發覺雖然大圍唔係好大，但附近都幾多餐廳，仲要好多都好吸引添！跟住見到呢間十二味，係食酸菜魚既就入左去啦～早一兩年前，有一段時間都成日見人上去深圳吃喝玩樂，最鐘意就係飲喜茶同埋食酸菜魚，我就一直無去，但都想試下酸菜魚，而家開到連香港都有！緊係要試下。我地叫左個酸菜魚加飯，第一次食真係幾驚喜，好鮮，湯底好香，有淡淡鮮魚味，又有麻酸味，好惹味，係令人食上癮既味！魚肉都滑，去左骨，好岩我呢啲懶人食～將啲湯到落去啲飯當湯飯咁食好正。本來都驚食唔飽，但係食下食下好快都已經好飽～每人百零蚊就食到美好嘅一餐。