影片
更多
2024-10-08
955 瀏覽
大圍出左名多野食, 趁星期六想差差電, 黎大圍食好野就岩晒啦, 食完晚餐好似仲係意猶未盡, 咁岩見到有間新開甜品店,又開正我最鐘意既椰子甜品, 咁就一於try try 佢啦🤣中甜頭一入甜品店就選擇困難😝店主都好自動行黎同我地介紹, 推介左中甜頭, 話會有驚喜, 入面有齊芋頭粒粒, 海南特產通心粉, 西瓜, 椰肉, 椰子雪芭, 紅豆, 薏米, 冬瓜薏同紅腰豆, 本身都猶豫緊又紅豆又薏米咁中式既配搭同椰子會唔會唔夾, 但食落又出奇地好fresh同好夾, 係我估唔到咁好食, 而且一D都唔濟, 值得一提既係冬瓜薏同通心粉係我一開始最估唔到係咩, 但最尾最鐘意食既野😋冬瓜薏係方形一粒粒既, 咬落煙煙un un , 有淡淡既冬瓜香, 而通心粉唔係西式個種用小麥整成黃色既通粉, 聽店主講係海南特產黎, 顏色偏透明而已食落都係煙un 有咬口既質感, 岩晒我依D鐘意食煙un野既人椰枝甘露楊枝甘露就食多, 椰枝甘露真係第一次試, 依個都係店主推介, 用左半球自家製既椰子雪芭做base, 混合左鮮芒果, 椰肉, 西柚粒粒, 西米等既材料製成, 面頭仲鋪左鮮椰肉🤩令成個甜品更皇重椰味同更有咬口斑蘭椰汁糕用左漸
中甜頭
一入甜品店就選擇困難😝店主都好自動行黎同我地介紹, 推介左中甜頭, 話會有驚喜, 入面有齊芋頭粒粒, 海南特產通心粉, 西瓜, 椰肉, 椰子雪芭, 紅豆, 薏米, 冬瓜薏同紅腰豆, 本身都猶豫緊又紅豆又薏米咁中式既配搭同椰子會唔會唔夾, 但食落又出奇地好fresh同好夾, 係我估唔到咁好食, 而且一D都唔濟, 值得一提既係冬瓜薏同通心粉係我一開始最估唔到係咩, 但最尾最鐘意食既野😋冬瓜薏係方形一粒粒既, 咬落煙煙un un , 有淡淡既冬瓜香, 而通心粉唔係西式個種用小麥整成黃色既通粉, 聽店主講係海南特產黎, 顏色偏透明而已食落都係煙un 有咬口既質感, 岩晒我依D鐘意食煙un野既人
椰枝甘露
楊枝甘露就食多, 椰枝甘露真係第一次試, 依個都係店主推介, 用左半球自家製既椰子雪芭做base, 混合左鮮芒果, 椰肉, 西柚粒粒, 西米等既材料製成, 面頭仲鋪左鮮椰肉🤩令成個甜品更皇重椰味同更有咬口
斑蘭椰汁糕
用左漸層既方式一層層咁砌成, 又睇得又食得, 甜度適中, 亦唔會漿口, 感覺比一般泰式斑蘭椰汁糕更清新🥰
海鹽奶蓋椰青水
依個都係我其中一個最驚喜既野😋本身完全想像唔到椰青水同奶蓋可以有咩關係, 但擺埋一齊飲可以咁夾, 鮮甜既椰青水中和左奶蓋飲太多會滯既感覺, 反而又甜又咸既感覺令人想一啖接一啖咁飲, 所以杯野飲係極快就比我地清左
Feel到依間係一間好有heart既小店🌞而且大圍好似都比較小專食椰子既甜品店, 椰子迷應該會好岩, 下次再黎大圍都會再試其他款
張貼
