劉興記生煎包專門店

營業中

休息中

大圍扺食生煎包之選《劉興記生煎包專門店》餐廳位於大圍火車站附近，位置方便，一出火車站，行5 - 6分鐘已經到啦。招牌生煎包：生煎包內脆外軟，肉汁鮮甜，豬肉非常新鮮，每一啖都係享受😋。麻醬青瓜雞絲粉皮：青瓜雞絲爽口細膩，濃郁嘅麻醬味，包裹住每一條粉皮令人享受到醇厚嘅口感☺️。鮮雞湯小雲吞：雞湯完全唔油膩，非常舒適嘅口感。小雲吞皮滑細嫩，肉餡鮮嫩，加上份量有成12粒咁多，非常值得推介👍🏻。手工豆沙鍋餅：餐廳非常貼心，會幫忙先分開八小份👍🏻外皮金黃香脆，口感誘人。豆沙甜而不膩，入口即溶，加上即炸即煎，香噴噴😆熱辣辣😁絕對係本餐嘅點晴之筆。低糖豆漿：豆香味十足，甜度適中，適合老中青同小朋友😊 值得一提，只要客人叫滿60元後，豆漿可以無限添飲架👏🏻總結：價錢非常平民，兩個人去食每人只係70蚊左右，但已經試到好多野食😊另外，好彩同朋友約左6:00，入去時唔算多客人，但半小時後，餐廳出面已經排哂長龍，所以建議想食嘅朋友，要食就預早小小去排定隊啦😉大概10-15分鐘到就會有位😄。