豬屋日本料理

營業中

休息中

今日同朋友去開大圍一帶，去左附近嘅 豬屋 日本料理食晚飯。呢間餐廳主打日式便當，豬，雞，海鮮，都幾齊。餐廳用上各種日式擺設同海報佈置，甚有日本風情，配上一杯日本熱茶，餐牌選擇都幾多，飯麵主食，小食，沙律，炸物等都相當齊全。我同朋友叫左青森便當，內容物有 七味燒豬頸肉，蒜香牛油燒珍寶蟹棒，三文魚壽司2件，味付螺肉 配燒汁飯便當份量都幾大，燒汁飯香甜，飯粒有咬口，軟硬度適中。七味燒豬頸肉 好食，煎得香透，薄身食落juicy又有薄脆嘅口感。蒜香牛油燒珍寶蟹棒，好香牛油味但食落唔會太膩，調味剛好，口應軟綿綿。三文魚壽司2件，份量同味都正常，味道不錯。味付螺肉份量足，惹味有咬口。另一個主食叫左一個安格斯牛肩胛蕃茄濃湯烏冬。蕃茄濃湯非常夠濃，烏冬掛到湯，質感軟綿，食得出係靚烏冬。安格斯牛肩胛份量正常，都幾香牛肉味。半熟蛋微甜軟滑，好食！花之戀一啖食落好滿足，三文魚，醬料，飯比例剛好。餐廳仲有唔同特色甜品同飲品，有機會可再試一試~