漁品酸菜魚火鍋放題 (已結業)

平日夜晚去開大圍，搞掂埋夜晚果餐先返歸，四圍行下試下新野，就發現到呢間樓上唔起眼既鋪仔。上到樓唔係太多人，餐牌有任食同套餐揀。今晚唔係太餓，所以點左二人餐，好似都幾多野食。任食都其實都幾抵，下次都可以返來試下。舊樓樓上舖來講都算乾淨企理。店員姐姐都幾友善幫得手。二人餐有魚有配菜，標榜馬來西亞沙巴龍躉，份量都幾足，仲差少少食唔晒。味道方面有偏淡口，魚肉都新鮮，個蛋黃炸魚皮最香最好味。如果住沙田大圍呢邊，突然想過下癮食烤魚，都推介來試下呢間。