靠父幹車仔麵

營業中

休息中

積信街最近新開咗車仔麵店，現試業期間做緊優惠。到埗視線即被白屋仔門面吸引住，內進光猛開揚、整齊簡潔、空調充足，環境好舒服。車仔餸、粉麵、醬汁及飲品均有頗多選選擇，遞纸仔後不久熱騰騰麵食已端上台；我哋選嘅牛腩、牛筋、豬腸均夠淋、足味，蘿蔔清甜、皇冬菇入味，入口質感剛剛好，試咗三款醬汁各有特色，應有一款會適合！牆上靚字寫上老板父親大人有五大必食推介：滷水豬大腸、柱侯牛腩、秘製炒腩肉、瑞士鷄翼及南乳豬手；日後必要續一嚐試！店主頗年輕，待客有禮，招呼周到！