博多拉麵龍亭 (已結業)

< 隱世大圍拉麵店 – 龍亭 >話說周末兩口子到大圍行吓街，諗住買尐狗糧俾大狗，咁岩得咁橋俾我地在街角發現呢間拉麵店。地點不易搵，瑟縮於街角，小店十來個坐位，開放式廚房，日式簡單布置，人多時都應幾迫狹，但來吃碗麵不坐得耐的話也沒大問題。餐牌的六種招牌拉麵名字相當有型，分別為「風、林、火、山、陰、闇」。食家點了「林」，即係竹炭胡椒黑蒜油拉麵﹔我就試了個「闇」，黑蒜醬油豚骨沾麵，再加多個柚子炸雞塊做小吃﹗沾麵是第一次吃，未吃已聞到陣陣胡麻蒜香，黑漆漆的湯頭帶濃烈的蒜香，餐牌說她加入了鯉魚醬油，吃時蘸上，麵有質感，夠咬口又彈牙，掛上濃稠醬油，好味﹔食家的拉麵也很吸引，我估所謂的竹炭味是帶點點苦沉感覺的獨特香氣，但其實黑蒜油已搶過所有味道，加上大量香蔥，味道也很不錯，收貨。小食炸雞件炸得恰到好處，脆卜卜的外脆內軟，點上輕鬆的柚子汁挺清新，也不錯﹗原來除了這間拉麵店外，在內巷還有另外一間同名叫龍亭的居酒屋，有酒飲梗要支持，下次一於再來捧下場先﹗p.s. 小店味道不差，但OR太多打手Post，自己玩死自己﹔另其實成八十蚊一碗拉麵我覺得好貴的。小弟FB : smallsmallsma