影片
更多
2021-10-25
286 瀏覽
豬手工房喺我想去咗好耐嘅餐廳，適逢星期日姪仔嚟我哋屋企玩，二話不說就訂枱食晚餐了！晚餐訂咗八點，餐廳喺工廈，近大圍火車站，行五、六分鐘路就到。之前餐廳亦俾咗貼士話邊度搭電梯，所以搵起嚟一啲都冇難度。可能喺星期日嘅關係，我哋到嘅時候有一班人走，之後成間餐廳就只有我哋一檯人。點餐工作俾啲後生嘅做，我同老公就喺負責食嘢同埋單。後生仔就係鍾意食香口嘢，嗌咗一碟法式薯條配黑松露醬。老實講啲薯條冇乜特別，但係配咗黑松露醬就覺得係好味咗，我個人嚟講就唔會推介佢。其實話就係德國餐廳，不過佢啲餐牌有少少得意，因為竟然有辣子系列。加上啲侍應係講普通話的，應該係大陸人開嘅餐廳，所以才有勁辣魷魚鬚呢個小食。我個人因為鍾意食辣，所以就覺得啱晒我心水，可惜侄仔食唔到辣，只係食咗細細條魷魚鬚仔就嗌頂唔順喇😅！下一碟又係香口嘢，酥炸墨魚骨。雖然係卜卜脆，但係我食唔出有墨魚骨嘅味道，反而覺得同酥炸雞軟骨咁上下。香腸拼盤係主菜之一，德國人鍾意食香腸係出晒名嘅。拼盤上有四、五種唔同嘅香腸，坦白講我對香腸冇乜認識，亦冇要求。總體來講，我比較鍾意食牛肉腸，另外有一啲比較諗嘅香腸我就覺得麻麻哋喇。鹹豬手令人有驚喜。叫得做招牌菜就
可能喺星期日嘅關係，我哋到嘅時候有一班人走，之後成間餐廳就只有我哋一檯人。點餐工作俾啲後生嘅做，我同老公就喺負責食嘢同埋單。
後生仔就係鍾意食香口嘢，嗌咗一碟法式薯條配黑松露醬。老實講啲薯條冇乜特別，但係配咗黑松露醬就覺得係好味咗，我個人嚟講就唔會推介佢。
法式薯條配黑松露醬
$68
17 瀏覽
0 讚好
0 留言
其實話就係德國餐廳，不過佢啲餐牌有少少得意，因為竟然有辣子系列。加上啲侍應係講普通話的，應該係大陸人開嘅餐廳，所以才有勁辣魷魚鬚呢個小食。我個人因為鍾意食辣，所以就覺得啱晒我心水，可惜侄仔食唔到辣，只係食咗細細條魷魚鬚仔就嗌頂唔順喇😅！
狂野勁辣魷魚鬚
$88
13 瀏覽
0 讚好
0 留言
下一碟又係香口嘢，酥炸墨魚骨。雖然係卜卜脆，但係我食唔出有墨魚骨嘅味道，反而覺得同酥炸雞軟骨咁上下。
酥炸墨魚骨
$68
17 瀏覽
0 讚好
0 留言
香腸拼盤係主菜之一，德國人鍾意食香腸係出晒名嘅。拼盤上有四、五種唔同嘅香腸，坦白講我對香腸冇乜認識，亦冇要求。總體來講，我比較鍾意食牛肉腸，另外有一啲比較諗嘅香腸我就覺得麻麻哋喇。
精選德國香腸拼盤
$188
8 瀏覽
0 讚好
0 留言
鹹豬手令人有驚喜。叫得做招牌菜就一定有番咁上下，嗰豬皮脆卜卜，口感一流，啲肉亦都好入味，唔算太咸，我大力推介呢個菜式。
招牌脆爆鹹豬手
$238
15 瀏覽
0 讚好
0 留言
牛油雞翼係妹妹想食的。坦白講，平平無奇，個人覺得係最唔好食嘅一道小食。
香草牛油雞翼
$68
9 瀏覽
0 讚好
0 留言
好耐冇食pizza 喇。呢個金沙軟殼蟹pizza聽起來好得意，食落去亦都出乎意料嘅好味。佢係厚身pizza，亦都係我哋鍾意食嘅一款。下次再嚟呢間餐廳仲會食佢哋其他嘅手作Pizza。
金沙軟殼蟹薄餅
$158
19 瀏覽
0 讚好
0 留言
最後上嘅係炸椰汁流心球。雖然佢喺餐牌上係一個小食，但係把它當為甜點亦都無妨，因為佢真係甜的。呢個流心球食落口感煙煙韌韌，椰汁味濃厚，完全係妹妹嗰杯茶。
查椰汁流心球
$68
10 瀏覽
0 讚好
0 留言
臨走時注意到門口旁邊有個古老留聲機，唔知係唔係真嘅。講真嗰句，呢間餐廳啲佈置雖然係舒適，但係亦都有少少不中不西。有樣嘢唔記得講，就係呢間餐廳淨係收現金，所以大家如果要來呢度食嘢就要記得預先㩒定啲錢先喇！
張貼
