壹級日本料理 (已結業)

本身來到大圍去朋友屋企坐下，是朋友的housewarming ，都冇乜特別期望不過，最後因爲種種原因，還是出去吃飯。其實這個地方應該可以有很多選擇，不過想食日本野，剛巧有位朋友推薦呢度有間好特別的日本菜，於是大班人來到開飯。這裡由平常的午餐和廚司發辦也有，我不能相信屋村裡面會有咁得意的餐廳，創辦人真係好有創新頭腦。首先這裡的刺身係絕對平而又有質素，仲要唔係食普通的貨色，連拖羅，赤貝都有，你就咁睇相，以為係中環日本餐廳，完全不是屋村餐廳的風格。兩個小食如螢光魷魚和忌廉蟹肉薯餅都不錯，朋友愛忌廉蟹肉薯餅愛到叫了兩碟。燒物中叫了白鱔串，又香又脆和銀鱈西京燒都顯得這裡燒物不是簡單。明太子手羽都是精彩絕倫，明太子味道好濃，一定要熱吃。最後來一個梅醬竹炭冷烏冬，較平淡，但那個梅醬香幾特別，是少見的味道。