華輝小食 (已搬遷) 新店位置

華輝小食-大圍經過大圍當然要買返個遠近馳名手撕雞腸粉，每次經過都見到大排長龍，好似都唔例外，排隊俾錢大約等咗10分鐘 ，買完之後會比個「會發聲的」等候機仔，大約再等多左10分鐘，終於有得食。手撕雞腸粉 $38今次冇叫辣味，只係叫左一份原味既手撕雞試一下。醬料加了芝麻、麻醬同豉油味道已經非常濃郁，手撕雞的份量都足夠，雖然雞肉不算非常嫩滑，但配埋滑滑的腸粉，整體口感幾豐富，很多層次。相信如果加埋辣味層次會更加出色。