影片
更多
2023-08-15
900 瀏覽
-御 ‧ 家上海 🥢上次去完圍方 見到 御 ‧ 家上海 周末勁多人排隊估唔到就連平日既入座率都超高 打左3個蛇餅！ 餐廳裝潢係偏現代感既中國風設計 座位之間闊落舒適呢間係近期食落最高質既中菜之一 款式高又好好味！可以理解點解連平日都大排長龍🐉 短期內都想再回頭🦪鮑魚紅燒肉 ($248) - 呢個係驚喜菜式之一💯 紅燒肉醬汁濃稠帶甜 包實晒鮑魚同紅燒肉既鮮味鮑魚新鮮彈牙 紅燒肉肉質軟嫰 2個都好入味 好岩送飯🍚🍱淮揚五福拼盤($248)包括醉雞 / 肴蹄 / 海蜇 / 燻魚 / 四喜烤麩等等各有特色🍤荔枝蝦球 ($17/粒)呢個造型真係成粒荔枝咁 又得意又香脆可口當中係用左荔枝肉 + 蝦肉製成 食落好爽口彈牙*圍方店限定菜式🥬古法燒白菜 ($108) - 係另一個驚喜菜式💯 係同行友人既高度推薦下嗌左黎試下 真心估唔到看似平平無奇既菜 竟然係會咁好味! 用左五花肉 白菜 粉絲 香菇等等 炒出個咸香味非常惹味👍呢個真係要親身食過先可以試到幾好味~* 圍方店限定菜式🐟蘿蔔絲鰂魚湯($158)鯽魚湯頭奶白色 非常濃郁鮮甜 有去濕補虛功效 先將魚身煎香後滾湯 當中既蘿蔔絲吸晒鰂魚既鮮味飲落一啲都
御 ‧ 家上海 🥢
上次去完圍方 見到 御 ‧ 家上海 周末勁多人排隊
估唔到就連平日既入座率都超高 打左3個蛇餅！
餐廳裝潢係偏現代感既中國風設計 座位之間闊落舒適
呢間係近期食落最高質既中菜之一 款式高又好好味！
可以理解點解連平日都大排長龍🐉 短期內都想再回頭
🦪鮑魚紅燒肉 ($248) - 呢個係驚喜菜式之一💯
紅燒肉醬汁濃稠帶甜 包實晒鮑魚同紅燒肉既鮮味
鮑魚新鮮彈牙 紅燒肉肉質軟嫰 2個都好入味 好岩送飯🍚
🍱淮揚五福拼盤($248)
包括醉雞 / 肴蹄 / 海蜇 / 燻魚 / 四喜烤麩等等各有特色
🍤荔枝蝦球 ($17/粒)
呢個造型真係成粒荔枝咁 又得意又香脆可口
當中係用左荔枝肉 + 蝦肉製成 食落好爽口彈牙
*圍方店限定菜式
🥬古法燒白菜 ($108) - 係另一個驚喜菜式💯
係同行友人既高度推薦下嗌左黎試下
真心估唔到看似平平無奇既菜 竟然係會咁好味!
用左五花肉 白菜 粉絲 香菇等等 炒出個咸香味非常惹味👍
呢個真係要親身食過先可以試到幾好味~
* 圍方店限定菜式
🐟蘿蔔絲鰂魚湯($158)
鯽魚湯頭奶白色 非常濃郁鮮甜 有去濕補虛功效
先將魚身煎香後滾湯 當中既蘿蔔絲吸晒鰂魚既鮮味
飲落一啲都唔怕腥 又夠晒火侯 好好飲呢~
🥬乾煸四季豆 ($88)
一放低就已經勁香 每條四季豆色澤光亮 口感脆口惹味
🍹芒果茶桑格利亞 ($48)
估唔到係中菜館都有Sangria 飲 不過個基底係用左芒果茶
所以係冇酒精既 仲有加入熱帶水果 士多啤梨 薄荷葉等等
飲落微甜 清新同時都好解膩 值得一試😍
🦀️八寶肉餅蒸膏蟹 ($588) - 呢個係當晚既重點之一💯
重點推介!! 可以講係食過最鮮甜味美既肉餅
鮮甜嘅蟹肉 + 滿滿既蟹膏❤️❤️❤️❤️❤️
蒸膏蟹既鮮味同精華都融入晒係個肉餅入面
醬油輕輕提鮮 每啖都可以連埋蟹膏一齊食😍
整個味道層次真係不得了 忍唔住一啖接一啖咁食🥳
*圍方店限定菜式
🥟脆煎灌湯小籠包 ($58/5件) – 另一個重點推介💯
朋友介紹食呢個果陣 用到”驚為天人”黎形容
第一次食”煎”灌湯小籠包 煎到個底係脆卜卜🔥
咬果陣小心燙口 未試過係可以飲極都仲有湯 真係超好味
完全可以感受到師傅既功架 真正做到”灌湯小籠包” 👏🏻
食完真係會理解到點解朋友既用意 真心正呢🥳
🦀️石鍋蟹粉河蝦仁年糕粒 ($198)
食上海野又點少得嗌番個年糕
中意呢度既年糕煮得夠晒軟綿綿
同埋蟹粉既份量都相當有誠意又濃厚
蝦仁又爽口彈口 食呢個都夠飽~
*圍方店限定菜式
🍮家上海冬茸燒餅 （$68）
中意食麻糬既朋友 點下去就對了🥳
自家製滬式酥皮烤焗得鬆化酥脆
而內裹香甜既冬瓜蓉煙韌軟糯
甜品黎講 唔會過甜 但記住要留肚食~
*圍方店限定菜式
🍮原桶黑豆腐花 ($68)
必點! 黑豆香既豆腐花都係第一次食
食得出真材實料既製作 因為個豆香味真係唔惹小
質感又非常細滑 完全唔落糖水已經好夠味🥰
張貼
