在家居酒屋 (已結業)

在家居酒屋 (大圍)📇地址：大圍下徑口村154號地舖🕐營業時間：11:30-15:00，18:00-23:00💸人均消費：～$150/人(lunch)👏🏻抵讚位：日式居酒屋黎講，佢set個價錢算好親民。Lunch set嘅三文魚+帆立貝+赤蝦丼($138)同埋叉燒豚肉丼($68)送沙律同埋麵豉湯，另外叫左在家七色卷($98)、燒油甘魚骹($88)、赤蝦刺身(兩隻$68)炸墨魚咀($68)。啲野食質量絕對對得住呢個價錢，丼飯超大碗飯，刺身都好新鮮同大舊。七色卷賣相好靚，每舊飯同上面嘅刺身都好大舊，我食左5舊都好飽，食落亦都有驚喜，好fresh。炸墨魚咀喺出面日本餐廳都好少食到，以為唔會好多，成上到枱個一兜仔係有成30粒咁濟，啱啱炸起脆卜卜，墨魚咀又有𡁻頭，值得一試😛😯有待改善位：因為喺一排嘅餐廳最尾嘅位，可以喺外面整個大啲顯眼少少嘅招牌，等未去到幫襯嘅客人易搵間鋪頭少少😉😼私心回應區：上網睇到呢間居酒屋，想試下新野，同左爺爺嫲嫲去食，兩老話啲野食無乜味精，食完唔覺口渴，有用心製作嘅小店同商場嘅連鎖日本餐廳係食得出有分別嘅😚 同埋無加一，呢個抵讚😌