睿居酒屋 (已結業)

相約好友晚餐, 揀咗呢間日式料理 - 睿, 皆因佢 嘅有串燒, 又有壽司食, 一次過就滿足晒我同朋友嘅胃口。柑桔醋配海蜇$88 海蜇切得幼細, 清爽彈牙, 加上酸酸地嘅柑桔醋, 刺激味蕾。蘆筍豚肉捲 $38 豚肉調味適中, 蘆筍爽嫩多汁, 兩者配合得天衣無縫, 正呀！牛油果串燒 $35 牛油果肉燒過後仍保持柔滑口感, 加上木魚絲同少少醬油, 簡單卻美味。鮑魚串燒 $68 鮑魚燒得恰到好處, 肉質有回彈力, 又很唔會太韌, 嚼感十足。燒茄子 $68 茄子肉水分充足, 食落軟綿綿。吞拿魚三貫 $198 一次過食晒大拖羅, 中拖羅同赤身, 赤身脂肪最少, 但肉味很重, 細味回甘, 大拖羅當然係油脂最豐富, 肉質極為柔軟, 入口油香四溢, 令人回味無窮。油甘魚壽司 $70 油甘魚肥美厚肉, 肉質油滑, 富有彈性。北海三貫 $148 牡丹蝦係我的最愛, 蝦肉潤澤透光, 口感滑嫩, 鮮甜味突出, 用料果然有質素。