影片
更多
2020-05-04
947 瀏覽
依晚嚟到大坑食晚飯，去咗呢間次次都勁吸引我目光嘅日系拉麵店，舖身以木為主風格，成個格調真係令人有置身喺日本嘅感覺🇯🇵。星期一晚上8點鐘去到，人流不絕，加上而家座位要隔開，間唔時要等位。店內嘅裝修亦係好和風，貼咗好多日文海報同懷古玩具🏮。而且拉麵店嘅餐牌超級無敵靚，因為我勁鍾意呢類型手畫嘅餐牌，好似公仔書咁。近來食多咗拉麵，但仍然稱不上自己有幾識嘆，我多數都係隨心點自己想食嘅。🍜拉麵來嘅拉麵湯底選擇比起其他店多，而且每款都有一個代號。不過我同朋友今次好快就決定到，每人再寫喺張紙上面，湯底要幾濃、幾油、走唔走蔥咁。首先，飲品我哋要咗⛰山葵薑味汽水($25)同🍎蘋果梳打($22)，價錢唔算貴啊！我兩款都未飲過，自己鍾意蘋果嗰款多啲，梳打無果汁咁杰。至於山葵薑味汽水，我覺得同普通Ginger Ale無乜分別，飲唔出Wasabi味。🐟鮮鯛魚雞白湯拉麵($108)，又名「人間限定19」。餐牌寫住即係雞白湯拌上鮮甜美味嘅鯛魚肉，再配以日本清酒、自家製叉燒、香蔥及香荀。一年之計在於春，呢個時候係品嚐鯛魚嘅最佳季節。好喇，其實我哋嗌嘅時候都無睇咁多😂，只係見係期間限定同埋張圖好吸引。一上枱真係見到有一大
依晚嚟到大坑食晚飯，去咗呢間次次都勁吸引我目光嘅日系拉麵店，舖身以木為主風格，成個格調真係令人有置身喺日本嘅感覺🇯🇵。星期一晚上8點鐘去到，人流不絕，加上而家座位要隔開，間唔時要等位。
店內嘅裝修亦係好和風，貼咗好多日文海報同懷古玩具🏮。而且拉麵店嘅餐牌超級無敵靚，因為我勁鍾意呢類型手畫嘅餐牌，好似公仔書咁。
近來食多咗拉麵，但仍然稱不上自己有幾識嘆，我多數都係隨心點自己想食嘅。🍜拉麵來嘅拉麵湯底選擇比起其他店多，而且每款都有一個代號。不過我同朋友今次好快就決定到，每人再寫喺張紙上面，湯底要幾濃、幾油、走唔走蔥咁。
蘋果梳打
$22
12 瀏覽
0 讚好
0 留言
鮮鯛魚雞白湯拉麵
$108
32 瀏覽
0 讚好
0 留言
一上枱真係見到有一大球鯛魚肉，味道幾特別。湯底係用雞白湯，真係同豚骨湯唔同，但🍶清酒味未見突出，有少許失望。嗰兩塊叉燒雖然係薄，但好好食，肥瘦適中。
白松露豚骨湯麵
$110
21 瀏覽
0 讚好
0 留言
湯底就咁飲一啖無乜特別，但撈匀咗啲松露醬之後完全係另一個故事！撈勻後個湯底勁好飲，勁香濃😋，正啊。另外，大量木耳同菇菇亦同湯底超夾。麵條係我鍾意嘅幼身類型，偏爽口彈牙。
日本溏心蛋
$17
10 瀏覽
0 讚好
0 留言
小食本身想要埋芝麻雞翼伴薯仔沙律，對於薯仔控嚟講後者係重點嘛，但無雞翼所以薯仔都無得食😭😭😭。
鹿兒島豬軟骨
$38
11 瀏覽
0 讚好
0 留言
免治雞軟骨串
$34
12 瀏覽
0 讚好
0 留言
總括嚟講，呢間拉麵店唔止得個樣，食物味道仲相當唔錯，拉麵同小食同樣出色。價錢定位唔算特別貴，$100內嘅拉麵選擇有唔少，亦唔收加一。因此，我明白點解呢間拉麵店可以喺大坑云云食肆中屹立多年👍。
張貼
