四葉空間 (已結業)

今日放假，同朋友途經大坑睇下附近有咩食，見到一間白色同木色為主嘅Cafe，入面雖然唔多位，但係都唔算好多人咁就入去試下。呢度係自助形式，所以落Order同拎嘢食都要自己出去。Menu選擇唔多，以咖啡同輕食為主....朋友叫左杯凍朱古力，我就叫左杯Latte，咖啡好滑好香濃，岩晒我口味，下次可以試下Rose Latte。野食叫左卡邦尼意粉同番茄意粉，份量都OK, 味道唔差！另外仲有個All Day Breakfast呢個All Day有兩舊菠蘿仔，第一次見，酸酸甜甜都幾開胃。總括嚟講呢度食物同飲品水準都唔錯，最重要係可以好舒服咁hea....扮下文青影下相都係一個唔錯嘅選擇！