睿居酒屋 (已結業)

今晚同朋友飯聚, 揀左人流無咁多, 環境清優又可以嘆好野食嘅大坑, 由天后港鐵站行左一陣, 見到有間居酒屋, 裝修得好有日本FEEL, 而家重未有得去日本, 咁就一於入去懷緬下。餐廳大約可坐到4-5張枱， 啱哂我地可以慢慢傾下計, 把酒談心。枝豆枝豆有浸泡過， 入哂味, 非常好味。火灸安格斯牛肉沙律份量好多, 又大塊嘅安格斯牛, 廚師用火輕輕灸過， 肉味香濃， 配上帶有酸味嘅沙律醋, 好開胃。店員推薦， 時令刺身， 有秋刀魚， 安康魚肝，呢排係秋刀魚造時間，時令食物一定要食. 秋刀魚有油潤鮮甜魚, 肉質鮮嫩。 安康魚肝， 食落似鵝肝， 但更加鮮甜, 有綿密細膩口感、入口即溶。牡丹蝦刺身, 香甜彈牙, 蝦肉爽口. 白鱔串燒, 白鱔肥大肉厚, 超多魚油. 外皮燒得香脆.厚切牛舌串燒, 彈牙, 香口.牛肋骨串燒, 呢個串燒絕對推薦, 好香牛肉味, 入口油份十足, 好香口.西京燒銀雪魚， 魚肉又白又滑， 入口魚油充滿口腔， 外皮煎得香脆。