睿居酒屋 (已結業)

開返晚市堂食梗係要約朋友出嚟聚一聚，通常朋友聚會都係傾偈多過食飯，最好就係可以慢慢食再飲番杯😂 平時食西餐大魚大肉食到有啲單調，於是今次轉去食日本居酒屋嘢食方面分別叫咗幾款前菜，包括凍日本蕃茄配柚子汁、甘橘醋配海蜇同汁煮鮑魚，請兩款都係酸酸地嘅開胃菜，呢個日本蕃茄嘅甜度超乎想像，仲好爽口😆汁煮鮑魚同樣好入味同埋食落彈牙但唔會咬唔開另外刺身同壽司都同樣出色，見隔離嗰台客叫咗一個白象拔蚌刺身同活貝壽司，都跟住叫嚟試下😂 個鮮甜味真係唔係講笑，好想再encore，不過都留返個位再食埋其他嘢😝 食日本嘢點會少得魚類，無論係魚刺身、吞拿魚壽司、白鱔串燒同西京燒銀鱈魚，各款嘅做法都符合到食材本身嘅特色，銀鱈魚非常滑溜，甜甜地亦都重魚油味，刺身同壽司都係合格以上，食到淡淡嘅魚味同鮮度👍🏻最後叫咗一個清酒煮蜆作為熱食埋尾☺️ 蜆肉好大粒，食到係豐富嘅海水味又無沙，連個湯都可以飲晒