BOND (已結業)

大坑小區竟然100蚊可以鋸扒仲有沙律同甜品？你無睇錯呀，呢間係大坑嘅Bar & Restaurant，推岀抗疫大優惠。原價$158 嘅lunch set 宜家七折價錢就食得到，只係100蚊鬆啲就可以叫牛扒同羊架。除左主菜，lunch set 仲包埋麵包，雞胸凱薩沙律同埋甜品。襯天氣未太熱，坐係户外平台睇下花聽下雀仔叫享受下陽光，就算一個小時嘅午飯時間匆匆，都可以好好relax 吓深呼吸透啖清新空氣先再繼續工作。🐑ℝ𝕠𝕒𝕤𝕥𝕖𝕕 ℝ𝕒𝕔𝕜 𝕠𝕗 𝕃𝕒𝕞𝕓 𝕚𝕟 ℍ𝕠𝕟𝕖𝕪 𝕄𝕚𝕟𝕥 𝕐𝕠𝕘𝕦𝕣𝕥 𝕊𝕒𝕦𝕔𝕖 平時唔食羊嘅我，呢份羊架食落一啲都唔覺羶味，十分易入口。肉質淋身同個特製乳酪醬汁好夾。薯菜亦都有心機薯角、蕃茄、雜菇特別烹調用黎做配菜十分合適。🥩ℂ𝕙𝕒𝕣-𝔾𝕣𝕚𝕝𝕝𝕖𝕕 𝔹𝕝𝕒𝕔𝕜 𝔸𝕟𝕘𝕦𝕤 𝕊𝕚𝕣𝕝𝕠𝕚𝕟 𝕊𝕥𝕖𝕒𝕜 𝕨/ 𝔽𝕠𝕚𝕖 𝔾𝕣𝕒𝕤 𝕚𝕤 ℝ𝕖𝕕 𝕎𝕚𝕟𝕖 𝕊𝕒𝕦𝕔𝕖牛扒份量都幾大塊，叫左5成熟略嫌上到枱有少少overcook 但程度都可以接受。牛味食落都算幾濃同咬落有口感。同樣地有高水準配菜，值得讚賞。