肉骨皇 (已結業)

呢日收工去咗大坑搵嘢食，行到浣紗街呢度就見到呢間大大隻字寫住肉骨皇嘅餐廳，見入面坐得都幾舒服，又有晚市套餐，於是就入去食！ 肉骨皇牌晚餐 ($288) ，包左小食一款，主菜兩款同兩罐汽水。小食可以揀沙嗲串或者炸雞翼，咁雞翼成日食，咪食下串燒😛 🍴沙嗲串 (4串) ⭐️⭐️⭐️⭐️ 我地試左雞同豬，d汁比得幾多，所以食落唔會好乾同埋冇味。味道幾正宗，肉質唔會過老，小朋友都會鐘意。 🍴 印尼炒飯 ⭐️⭐️⭐️⭐️ 炒飯幾香口又大碟，色澤充足，味道都足夠。炒飯入面有啲海鮮，仲有隻煎蛋同一串串燒，令到成道菜唔會咁齋。 🍴 海南雞飯 ⭐️⭐️⭐️⭐️ 金字塔型嘅飯賣相獨特，飯味鹹香鹹香，粒粒分明，配雞食好正！海南雞肉身白滑，沾埋海南雞醬汁，仲有3款揀，一食冇停口。 .............................. 肉骨皇 地址📍: 大坑浣紗街45號浣紗花園地下1號舖 總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️⭐️ 抵食💰: ⭐️⭐️⭐️⭐️