Warren (已結業)

呢間餐廳位於有好多美食嘅大坑，店面唔大，每晚只招待幾檯客人，係個種隱蔽嘅西餐小店，呢度嘅菜式用料優質，賣相有心思，值得一試！蟹肉芒果沙律賣相幾別緻，蟹肉同芒果係脆片之上，而旁邊係沙律菜，蟹肉十分清甜，配以芒果嘅酸甜味道。香煎鵝肝配無花果、蘋果醬鵝肝微煎過，入口即融，而鵝肝上有一層蘋果醬，蘋果醬整成果蓉質地，味道酸甜，中和了鵝肝嘅油膩，係十分出色嘅一道前菜！香煎美國頂級西冷配芝士忌廉薯仔配黑松露燒汁。西冷牛扒肉質軟嫩，口感不算太韌，亦都幾juicy。芝士忌廉薯仔嘅外層燒香過，整到一層層，質感好似酥皮咁，薯仔食起上來亦有淡淡芝士同忌廉味道。燒紐西蘭羊架配玉米餅，迷迭香燒汁羊架外皮燒得香脆可口，用迷迭香製成醬汁調味，味道調得唔錯，羊臊味亦不太強烈，而玉米餅嘅口感有D似法式馬卡龍，味道幾香甜。