黯然燒魂

營業中

休息中

大坑出名多隱世小店，今次行下行下見到呢間黯然燒魂幾多人食，睇睇先知原來係食串燒，見價錢唔貴，咁岩walk in又有位，所以試下佢！串燒當然要配啤酒先夠爽皮啦，生啤夠大杯！同朋友暢飲一番食下串燒好開心。這店出品即叫即燒，食好野係要時間的，非常認同店主既用心良苦。味淋魚干，焦香味非常突出，豬肉干既 juicy感覺再帶點咸鮮香，非常惹味開胃，再配埋沙律醬，更有層次感！之後來個招牌海鮮砂鍋粥，超級足料，啖粥充滿海鮮既咸香，質地綿綿！而且又有咬口，有磯煮鮑魚，蜆肉，帶子，蟹膏等！非常高質既粥，食到 lamlam脷，必叫之選！爆醬芝士大啡菇，啡菇 size夠份量，半溶狀既芝士幾香又creamy, 大啡菇 keep到 juicy感，越食越起勁。燒白鱔，外層魚皮咬落去卜卜聲，完全 feel到廚師用心去燒，時間拿捏得好好，完全係有 heart之作，皮脆肉又夠嫩，食原味已經好好食。醬汁燒年糕質地黏糯煙韌，味道剛好唔太咸，食完好開心又滿足既感覺。牛肉露筍卷，露筍配牛都條非常配襯無得輸！牛肉都香濃，露筍多水份夠清新，中和味蕾。幾正！焦糖菠蘿，唔會死甜，甜得非常自然唔會太膩！微熱既燒菠蘿甜度更突出！好窩心。