睿居酒屋 (已結業)

今日二人行去大坑揾好野食， 行下行下， 見到有間日本居酒屋門面裝修得好優雅夠格調， 咁就一樣入去食啦。餐廳面積唔算太大， 大約4-5台， 咁就啱哂慢慢坐傾下計嘅人。枝豆枝豆用過漬物浸泡， 非常入味， 前菜都咁好味。火灸安格斯牛肉沙律安格斯牛輕輕火灸過， 肉嫩香口， 配上酸酸地嘅沙律醋， 醒神醒胃。店員推介， 時令刺身， 秋刀魚， 安康魚肝， 呢期係食秋刀魚好時間， 秋刀魚肥美香甜， 魚肉充滿魚油， 油份充足。 安康魚肝， 口感似鵝肝， 但更鮮甜, 滑嫩細滑、入口即溶化。活貝三貫， 北寄貝， 帆立貝， 赤貝。吞拿魚三貫， 赤身， 中拖羅， 吞拿魚腩。西京燒銀雪魚， 魚肉嫩滑， 魚油滿滿， 煎得金香。