影片
更多
2018-07-16
1014 瀏覽
上星期去咗依間大坑食日本菜嘅餐廳，又真係估佢唔到咁好食啵。依間餐廳位置有少少偏僻，但相信愛食好西嘅你一定會搵到🤣餐廳店內佈置勁有日本feel，侍應同廚師都好熱情好客，氣氛勁好👍🏻雖然上菜時間有少少耐，但好嘅嘢就係要等嘛。上菜喇！我叫咗個親子丼，啲蛋滑捋捋，金黃色，香噴噴，極誘人🤤塊雞亦唔柴，勁易人口，唔會話好似平時茶餐廳咁，要𡁻好多下先落到肚。套餐包咗1個茶碗蒸，1個麵豉湯同1個甜品。當日甜品係哈密瓜和菓子，清清哋，口感亦非常特別，值得一試❤️當日我哋成班同事仲嗌咗幾碟炸物嚟試，分別係炸豬排同炸蠔。因為我唔食蠔，所以就冇試到，但聽番同事嘅評語都係一級棒👍🏻至於炸豬排，因為佢所有炸物都係即叫即炸，所以上枱到放落口都仲係熱辣辣，脆卜卜🤤總括嚟講，No.13 Modern Japanese Cuisine and Bar係喺大坑嘅隱世高手，非常值得大家過去同佢過番幾招👊🏻
依間餐廳位置有少少偏僻，但相信愛食好西嘅你一定會搵到🤣
餐廳店內佈置勁有日本feel，侍應同廚師都好熱情好客，氣氛勁好👍🏻
雖然上菜時間有少少耐，但好嘅嘢就係要等嘛。
上菜喇！我叫咗個親子丼，啲蛋滑捋捋，金黃色，香噴噴，極誘人🤤塊雞亦唔柴，勁易人口，唔會話好似平時茶餐廳咁，要𡁻好多下先落到肚。
套餐包咗1個茶碗蒸，1個麵豉湯同1個甜品。當日甜品係哈密瓜和菓子，清清哋，口感亦非常特別，值得一試❤️
當日我哋成班同事仲嗌咗幾碟炸物嚟試，分別係炸豬排同炸蠔。因為我唔食蠔，所以就冇試到，但聽番同事嘅評語都係一級棒👍🏻至於炸豬排，因為佢所有炸物都係即叫即炸，所以上枱到放落口都仲係熱辣辣，脆卜卜🤤
總括嚟講，No.13 Modern Japanese Cuisine and Bar係喺大坑嘅隱世高手，非常值得大家過去同佢過番幾招👊🏻
張貼