影片
更多
2021-07-01
265 瀏覽
OMA係大坑新開既咖啡店，OMA取名自Omakasa 即係無菜單料理既廚師發辦。由咖啡師每日挑選當造同埋唔同烘焙程度既咖啡豆，再因應點取既咖啡款式同客人口味幫客人揀最岩口味。因為一直有追Cafe Hopping群組，所有留意到唔少人讚佢既咖啡同食品都非常出色。作為奶啡控，放假立即排行程去食一個豐富早餐。.估唔到平日既9點前已經滿座，仲要有好多組朋友仔聚餐活動，原來有咁多人生活咁自由自在😆。.Granola Bowl 雜果脆麥乳酪配原味麥片 💲65⭐️4.3/5一人早餐主食叫左我的最愛乳酪碗。原味乳酪配上七彩繽紛既自家製麥片，再加上雜果、乾果、南瓜籽同埋蜜糖。健康系甜甜健康乳酪碗極岩胃口，味道雖然唔係驚艷但都足夠令我念念不忘。.White 💲45⭐️4.8/5每張檯上面會有個盒仔放左三張小卡片，介紹是日精選咖啡豆。同咖啡師講句想飲 Cappuccino ，佢回答第一句就話：咁我幫你揀豆。作為一個極不專業既奶啡控，對於各地區既豆同烘培度呢家野真係識條鐵咩？極其量只係識分 Nutty 同 Fruity (不同口味但兩樣都愛)。對我黎講咖啡味只要香濃好味唔酸（唔鍾意酸系咖啡豆）唔係好似飲奶水一樣就
.
估唔到平日既9點前已經滿座，仲要有好多組朋友仔聚餐活動，原來有咁多人生活咁自由自在😆。
.
Granola Bowl 雜果脆麥乳酪配原味麥片 💲65
⭐️4.3/5
一人早餐主食叫左我的最愛乳酪碗。原味乳酪配上七彩繽紛既自家製麥片，再加上雜果、乾果、南瓜籽同埋蜜糖。健康系甜甜健康乳酪碗極岩胃口，味道雖然唔係驚艷但都足夠令我念念不忘。
.
White 💲45
⭐️4.8/5
每張檯上面會有個盒仔放左三張小卡片，介紹是日精選咖啡豆。同咖啡師講句想飲 Cappuccino ，佢回答第一句就話：咁我幫你揀豆。作為一個極不專業既奶啡控，對於各地區既豆同烘培度呢家野真係識條鐵咩？極其量只係識分 Nutty 同 Fruity (不同口味但兩樣都愛)。對我黎講咖啡味只要香濃好味唔酸（唔鍾意酸系咖啡豆）唔係好似飲奶水一樣就可以了。呢杯帶中國柑橘、野莓同蜜香茶味 (睇卡仔介紹照寫) 既奶啡味道確實好好，有果香，唔專業但都仲識分係高質。
.
Caramel Pudding 焦糖布丁 💲43
⭐️4.2/5
呢到名物之一係焦糖布丁。布丁滑溜蛋味非常香，焦糖漿份量好多。因為覺得自己只係點左一個輕食乳酪無理由唔試埋，但原來我高估左自己既食量。布丁係屬於非常厚實質地，所以單人食到一半就舉手投降。
.
無論係食物出品、咖啡同埋環境，OMA既出品都令人好滿意，絕對有回頭。
.
不專業食評 nei.foodie
Granola Bowl
$65
19 瀏覽
0 讚好
0 留言
White
$45
26 瀏覽
0 讚好
0 留言
Caramel Pudding
14 瀏覽
0 讚好
0 留言
14 瀏覽
0 讚好
0 留言
張貼
