荷華庭園景餐廳 (已結業)

住喺大埔應該冇乜邊個未去過林村，其實林村除咗許願樹之外，仲有一間世外桃源嘅餐廳，之前我地晏晝嚟過一次，感覺好舒服😌一入餐廳就比一個養咗好多魚嘅水池吸引，佈置以花園嘅設計，可以選擇室內或者室外用餐。我哋一家四口選擇獨立房間，房間入面有獨立冷氣同埋電蚊機，所以都唔擔心會有昆蟲。雖然呢度係食西餐，但枱面參考中式設計，叫咗成枱餸都唔怕夾到。打開餐牌好有驚喜呀！竟然有酥皮龍蝦湯😍好耐冇飲過啦！味道香濃，配埋蒜茸包份量啱啱好😌仲有法式焗田螺，每隻都焗到外脆內軟，芯爸自私食咗十粒🤣另外，廚師推介大蝦鮮果沙律🥗分量十足，沙律頂仲有好多Parma ham，夠晒開胃。主菜芝士焗大蝦配香草萫茄意粉🍝芯芯最鍾意，酸酸甜甜，大蝦超多芝士😋而荷華庭炒飯有蘑菇、大蝦、元貝同蔬菜，上枱嘅時候熱辣辣，飯粒粒分明，蝦肉仲好彈牙添！推介大家叫桂花烏龍茶，茶味香之餘仲可以不停加水添飲，抵呀！去開林村許願樹，記得過嚟食嘢呀🥳