スーパー丼 (大埔超級城) (已結業)

最近大埔中心開多左好多正野，竟然有Superdon, 依間既分店我食過CWB同Jordon，印象都非常好!今次大埔店，有我好鍾意食既鰻魚天婦羅，不得了!仲要加埋雞強咸蛋係面，超惹味同好邪惡呀~!鰻魚炸得勁香脆，食到好濃郁既鰻魚味，配埋紫菜同茶碗蒸勁岩要黎撈飯，Miso soup就正常，唔差又唔會特別好咁樣。三色魚生飯，都好新鮮，拖羅味道比較突出，食落唔似雪左好耐或者雪得太過凍，壽司飯幾好，軟硬度恰好，食到少少壽司醋既酸味。唯一比較麻煩既就係好似快餐店咁，要先係外邊落單，然後搵位，再出返黎拎餐，店舖又分開左兩邊，中間條路係商埸入邊既行人道路，拎野既時候要特別小心，價錢都唔算係好平，味道就係正既!