スーパー丼 (大埔超級城) (已結業)

以前呢個位係吉野家，而家換咗一間新嘅日式料理，裝修都幾靚，幾舒適，所以就嚟試一試今次就試下佢啲丼飯，本身鐘意食鵝肝，咁就試下呢個鵝肝和牛丼飯啦。個飯有跟麵豉湯同埋茶碗蒸，味道就不過不失，係普通日式料理會食到嘅正常水準。碗飯$100左右但係就唔算好大碗，和牛唔錯，份量都足夠，但係鵝肝就有少少細塊，整體感覺冇我想像中咁滿足，感覺唔算好抵食。如果下次再嚟會試下烏冬，或者一啲炸物同埋小食，最值得加分應該係個環境喇。