Homeland (東昌街) (已結業)

Homeland地址：大埔東昌街2號地舖週年紀念提前book咗homeland慶祝，之前已經聽過朋友推薦呢間餐廳，今次終於有時間嚟試下啦。我地叫咗dinner set,包括前菜，主食，小食，另外仲有甜品。法式龍蝦濃湯相當足料，濃稠度適中，好滑身好香濃。個安格斯西冷扒5成熟啱啱好，咬落去肉質鮮嫩，再點上黑椒汁又係另一滋味和牛漢堡啖啖肉，份量好多。香草牛油白酒煮青口大隻而且擺盤又擺得幾靚，啖啖青口加上少少香草牛油味不錯。薯蓉配蒜香焗田螺好濃蒜味，薯蓉好creamy。 杯子盛住濃濃朱古力同薄荷味嘅沙冰，唔單止好透心涼，飲起嚟仲有少少咬口添。最後，仲嗌左甜品，店員幫我地係甜品盤畫咗字，影咗一張即影即有慶祝添。餐廳有提供birthday/Anniversary Celebration gift set promotion；惠顧甜品可享免費甜品畫碟；免費贈送一杯汽酒；仙女棒；送一張即影即有，免切餅費。