食嘢 (已結業)

呢間餐廳係我第二次再幫襯既，好彩果日有訂到位，如果唔係等死人。今次叫咗香辣咖喱牛腩，食嘢至尊拼盤， 青芥末醬伴蝦球，海皇炒飯。香辣咖喱牛腩 (必食) : 咖喱好正宗，份量都好夠，可能佢請咗個印度師傅嚟整，所以特別好味，哈哈哈，而且餐廳十分揼本，用珍珠米去做飯有誠意。食嘢至尊拼盤 (必食) : 有雞翼，炸薯角，手抓餅，咖喱角。雞翼整得外皮很脆，一定要試。青芥末醬伴蝦球 : 蝦肉很新鮮，炸粉薄得黎不會有太厚嘅感覺，而且底下仲有一些炸南瓜伴碟，配上沙律醬。呢間餐廳喺大埔來講都叫做，做得十分出色，我諗好快仲有第三次幫襯嘅機會。