鮨池壽司店 (已結業)

呢晚去左大埔探朋友仔，順手去食大埔良心店良鮨嘅姐妹店鮨池壽司，佢地食材都係由日本直送，刺身新鮮又好味，價錢合理😋⁂⁂⁂刺身和牛燒肉盛⁂⁂⁂❀雜菜沙律❀沙律菜好大份，食落新鮮爽脆，配上酸酸甜甜嘅芝麻沙律醋，簡單既配搭就已經夠哂開胃。❀五色刺身❀刺身有三文魚、帆立貝、赤蝦、白身魚及八爪魚，每款2切，全部都係厚切😙三文魚刺身因為油脂豐富，所以顏色會比較淺，入口鮮甜軟滑好好味；另一款我幾鍾意嘅係赤蝦，大大隻，充滿彈性又多蝦膏。❀燒肉盛❀有A4和牛小排、A4和牛三角、澳洲和牛肩肉及澳洲和牛頸脊，和牛油脂分布均勻，肉質細緻柔嫩，燒一陣就已經油香四溢，同朋友食到大滿足😆如果食唔夠喉，仲可以再單點追加，呢個位幾貼心👍🏻❀鰻魚炒飯❀我地另外加左個鰻魚炒飯，鰻魚粒粒肥美、細嫩肉滑，為炒得乾身嘅炒飯增添左魚油香，個飯都幾大份，建議同人share食。