影片
更多
2024-09-02
1678 瀏覽
我地6點半入座，餐廳講明繁忙時間限時90分鐘，不過我地坐到超時都無被趕走，最後仲坐到9點半添🙊。餐廳大部分都係大枱，目測好似得一張二人枱，如果人少嘅話，有機會同其他人搭枱。由於我地一早已經睇過餐牌，所以一入座就落單。上菜速度算快，每款小菜份量足夠大家share；另外餐廳有提供啤酒，當晚氣氛幾好，係嘈左少少。潮式炸蠔餅蠔餅炸得好香脆、蠔仔大隻又飽滿，雖然碟底全是油，但真係幾好味🤤。懷舊欖角冰梅骨第一次食呢款小菜，個汁鹹鹹甜甜幾好味，但排骨就唔OK，有陣豬騷味…🙉德國脆皮咸豬手豬手已經切好、並擺到好靚；份量足夠，調味唔鹹，但配泰式甜辣醬同芝麻醬就怪怪地，同埋肉質好乾好硬😅。招牌老檀酸菜魚麻味幾重，對平時食三哥5小辣嘅我嚟講，有D辣。魚片幾滑、唔腥又無骨，配料仲有寬麵、金菇、白蘿蔔粗條。整體唔錯😍。菠蘿鮮果咕嚕肉在場唔少食客都會點佢，講真，佢賣相真係幾吸晴!! 特別在居然用新鮮菠蘿、青提同藍莓，雖然係炸豬肉，但食番D生果好似無咁邪惡😆咕嚕肉食果陣無冰火交融嘅感覺，亦唔脆，但勝在豬肉大大舊、啖啖肉、甜酸醬調味適中。蜜椒金薯安格斯牛柳粒牛柳粒份量好多，肉質係鬆肉粉拿過果D軟淋口感，完全無牛味。由
由於我地一早已經睇過餐牌，所以一入座就落單。上菜速度算快，每款小菜份量足夠大家share；另外餐廳有提供啤酒，當晚氣氛幾好，係嘈左少少。
潮式炸蠔餅
潮式炸蠔餅
203 瀏覽
0 讚好
0 留言
蠔餅炸得好香脆、蠔仔大隻又飽滿，雖然碟底全是油，但真係幾好味🤤。
懷舊欖角冰梅骨
懷舊欖角冰梅骨
37 瀏覽
0 讚好
0 留言
第一次食呢款小菜，個汁鹹鹹甜甜幾好味，但排骨就唔OK，有陣豬騷味…🙉
德國脆皮咸豬手
德國脆皮咸豬手
21 瀏覽
0 讚好
0 留言
豬手已經切好、並擺到好靚；份量足夠，調味唔鹹，但配泰式甜辣醬同芝麻醬就怪怪地，同埋肉質好乾好硬😅。
招牌老檀酸菜魚
招牌老檀酸菜魚
23 瀏覽
0 讚好
0 留言
麻味幾重，對平時食三哥5小辣嘅我嚟講，有D辣。魚片幾滑、唔腥又無骨，配料仲有寬麵、金菇、白蘿蔔粗條。整體唔錯😍。
菠蘿鮮果咕嚕肉
菠蘿鮮果咕嚕肉
292 瀏覽
1 讚好
0 留言
在場唔少食客都會點佢，講真，佢賣相真係幾吸晴!! 特別在居然用新鮮菠蘿、青提同藍莓，雖然係炸豬肉，但食番D生果好似無咁邪惡😆
咕嚕肉食果陣無冰火交融嘅感覺，亦唔脆，但勝在豬肉大大舊、啖啖肉、甜酸醬調味適中。
蜜椒金薯安格斯牛柳粒
蜜椒金薯安格斯牛柳粒
7 瀏覽
0 讚好
0 留言
牛柳粒份量好多，肉質係鬆肉粉拿過果D軟淋口感，完全無牛味。由於長沙灣萬發嘅黑椒薯仔牛柳粒太高質🙊，所以忍唔住會做對比，亦因為咁，呢度嘅薯仔牛柳粒好普通。
味菜豉椒炒大腸
我唔食大腸，所以無評論。
瑤柱蒸水蛋
瑤柱蒸水蛋
7 瀏覽
0 讚好
0 留言
面果層水蛋幾滑，可惜蛋液無過篩，蛋白琼哂喺個底，所以中下層好實🤔。瑤柱有少少浸過龍而變得淡味。
椒鹽鮮魷
椒鹽鮮魷
0 瀏覽
0 讚好
0 留言
魷魚有少許魷香，即辣即食夠香脆，不過椒鹽落太多，鹹左D。
鮮腐竹魚肚浸時菜
鮮腐竹魚肚浸時菜
0 瀏覽
0 讚好
0 留言
正正常常嘅一道小菜，奶白色嘅湯底，時菜揀左唐生，食落依然爽脆。
西檸軟雞
西檸軟雞
12 瀏覽
0 讚好
0 留言
又係一款酸甜小菜，醬汁OK，但雞扒唔滑之餘，仲有雞腥味😯。
我地一行11人，叫左11道餸，幾碗飯，無叫啤酒同飲品，人均$200左右，性價比算OK。
張貼
