影片
更多
2016-11-02
617 瀏覽
聽說大埔有間任食雞煲好鬼正, 於是我同朋友一齊渣車入去, 哈哈...幾好喎...都有好多咪錶位, 嘩嘩嘩......今日先星期一, 餐廳已經坐滿人同已經有d人係到等位, 總知打黎訂枱先啦, 開頭如果我地坐出面係可以唔使等既, 不過我地又想坐入面, 嘻嘻咁為有再等下啦, 終於等左半個鐘有位啦, yeah!! 因為有限時既, 所以老闆都會知道將會有邊d枱就走, 我地先等ja....哈哈...頭先係等位既時候我地已經決定左要邊款煲ga la.....因為太多選擇啦, 有朋友好鍾意食辣, 而我又想試下個藥膳醉雞, 所以我地就加錢變左個雙拼鍋, 哈哈, 勁正, 一舉兩得!個鍋一上枱已經好香麻辣味, 係四川個隻, 後來得知原來呢D麻辣醬料係老闆自己親自整的, 果然係獨門秘方呀. 我地叫左小辣, 佢辣得黎又有少少麻, 麻得黎又有少少辣, 好濃郁, 但濃郁得黎又唔會咸, 好正, 出面食唔到呢隻味, 讚! 而配料會有薯仔, 翠肉瓜, 洋蔥等..... 而D雞既味道亦啱啱好, 再吸收埋個D醬汁, 正呀.嘩...呢個藥膳醉雞就咁睇到已經好肥美, 老闆話等佢滾起一陣就可以食GA LA, 如果唔係D雞就會鞋,
哈哈...頭先係等位既時候我地已經決定左要邊款煲ga la.....因為太多選擇啦, 有朋友好鍾意食辣, 而我又想試下個藥膳醉雞, 所以我地就加錢變左個雙拼鍋, 哈哈, 勁正, 一舉兩得!
個鍋一上枱已經好香麻辣味, 係四川個隻, 後來得知原來呢D麻辣醬料係老闆自己親自整的, 果然係獨門秘方呀. 我地叫左小辣, 佢辣得黎又有少少麻, 麻得黎又有少少辣, 好濃郁, 但濃郁得黎又唔會咸, 好正, 出面食唔到呢隻味, 讚! 而配料會有薯仔, 翠肉瓜, 洋蔥等..... 而D雞既味道亦啱啱好, 再吸收埋個D醬汁, 正呀.
嘩...呢個藥膳醉雞就咁睇到已經好肥美, 老闆話等佢滾起一陣就可以食GA LA, 如果唔係D雞就會鞋, 滾既時候好有藥材味, 有紀子呀, 龍眼肉呀, 人参等等...好香, D 雞真係好滑, 加埋D酒味好正.識食緊係食完雞先開始打邊爐啦, 我地呢個藥膳醉雞呢邊唔使加湯都可以, 仲越黎越濃郁, 好正, 仲情不自禁飲左好多啖, 而麻辣個邊因為係醬汁既關係就加再少少湯, yeah!! 可以開始打邊爐啦, 哈哈...其實食完個雞煲都有d飽....
呢到雖然係任食, 但種類凡多, 真係每樣食一件你都飽呀, 但係我地又心思思想食下佢另外收費個d野食喎, 因為見到手切安格斯肥牛啦, 北海道帶子啦, 珊瑚蚌啦, 同即炸響鈴等等.........
無錯...你無睇錯...真係即炸響鈴, 我第一次食ja...wao.....一拎到上枱真係熱辣辣架, 好脆, 大大件, 好想即刻就咁食, 哈哈....真係好吸引, 嘩.....索埋d湯簡直無得頂呀.
打邊爐點可以無肥牛ga...呢碟手切安格斯肥牛, 厚度同雪花適中, 食落都好有牛味.
另外呢個真係要讚既北海道帶子, 雖然細細粒, 但佢拾完後一d都唔硬, 好彈牙, 好鮮甜.
而呢款珊瑚蚌都係好爽口.
呢d 就係你可以無限咁食ga la, 不過我地真係好飽, 唔想浪費食物, 所以只叫了幾款, 有美國肥牛, 好爽口既牛柏葉, 好脆既鯇魚片, 有益既黑木耳, 同埋點少得唐生菜同波菜呀.嘩...真係飽到想心口呀, 野飲仲要任飲, 去邊樹搵, 下次我諗要叫多d 朋友黎一齊食, 咁先可以再食多d唔同種類既野, 同埋老闆極力推薦既羊腩煲.
最後我問問老闆可唔可以訂枱, 後來老闆給了我們咭片, 先知原來仲有其他分店的, 係荃灣, 下次都可以去個到試下, 不過唔知老闆係唔係到呢, 佢勁nice, 勁好人, 好少仲有老闆咁親力親為ga la...讚.
張貼
