東記上海麵

營業中

休息中

假日出大埔踩單車，點都要補充一下體力先至出發。地理位置方便嘅大埔街市樓上，有一個熟食中心，最多人食嘅一定係呢間豬扒麵。平時好少可以係外面食到上海麵，呢度嘅麵質非常紮實，好有咬口。湯底方面就比較清，加上榨菜味道剛剛好。講到最出名嘅豬扒，佢醃得好入味，食起上嚟鬆軟，但仍然保持豬扒嘅質感，唔會醃得鬆過龍。而雞翼炸得恰到好處，表面香脆之餘，內裏保留肉汁，啖啖都好鮮嫩。唯一缺點就係，佢無得跟餐，飲品要同隔離單買，會比較貴。所以都係買定樽裝飲品去最抵！