亞婆豆腐花

營業中

休息中

好耐冇食熱辣辣嘅豆腐花喇！今日趁天氣清涼去左大圍踩單車到大埔墟，還左單車之後行到亞婆豆腐花食翻個甜品先。豆腐花（熱/冷）$9- 相比起荃灣路德圍嗰兩間豆腐花甜品店，大埔價錢較高而質素唔差太遠。我選擇熱豆腐花，其他朋友食凍嘅。熱豆腐花口感好滑，有微微嘅豆香，自己落黃糖，令豆腐花更容易入口。放入口之後，豆腐花就融左好似飲緊熱豆漿。雖然佢得豆腐花賣冇其他嘢食，但係每次嚟到大埔墟點都要幫襯佢，可能係一種情懷。