道頓堀御好燒專門店 (大埔超級城) (已結業)

昨天放工返老家，同阿爸阿媽食飯，去大埔中心試新野，見開左間大阪燒一段時間，無食過就去試下。用餐時間90分鐘，感覺有啲趕，因為野食要自己燒，燒到熟都需要時間。睇完餐牌，叫左個肉類御好燒、道頓堀炒麵、牛肋肉、豬五花腩。原來個御好燒每邊要燒5分鐘，我們唔知，就睇住佢熟就反、個炒麵同御好燒都係落嗰啲汁，好似燒墨魚丸汁咁，都幾好味。之後再追加一個泡菜御好燒、雞肉同牛肋肉。由於個鐵板係無得換出來，所以每次食完都要剷乾淨再燒，所以每次都要重新落油，其實都幾肥，不過食落又唔係好油，可能因為啲醬汁。整體感覺幾新穎，但唔會成日食，價錢ok,唔太貴。