影片
更多
2024-01-23
38 瀏覽
上次👧🏻👦🏻去過銅鑼灣分店覺得呢間日式Fusion餐廳幾有驚喜，行完大埔超級城時就同👩🏻去醫下肚仔先！🌟咖喱牛肋肉蛋包飯之後食過佢地既蛋包飯超正，今次就試下咖喱牛肋肉蛋包飯！蛋皮依舊滑捋捋，一刀切開時就如瀑布般流！而咖喱牛肋肉份量頗多，咖哩汁🍛就偏日式，唔辣甜甜地，但就比平時食既日式咖哩較重香料味👍🏻。牛肋肉肥瘦均衡，瘦既部分又幾鬆化，一啲都唔覺得韌。🌟明太子蛋包意粉既然蛋包飯咁正，就叫埋明太子蛋包意粉🍝！明太子汁就比較稀，尚算掛汁。醬汁充滿明太子既咸香，配埋少量雜菌，唔會覺得單調👍🏻。🌟月見雞皮餃子（2串）日式煎餃子🥟可能食得多，用雞皮包住餃子內餡就比較少見。雞皮燒得香脆，包裹著韭菜豬肉等內餡，再沾上雞蛋燒汁，夠曬惹味！🌟雪人布甸與牛奶大福盛成餐嚟講👧🏻👩🏻就最鐘意呢個甜品！用上大量士多啤梨🍓作裝飾，外貌整到一隻雪人咁！底層有焦糖布丁🍮，質感係較Creamy，唔係走好滑嫩富有蛋香既Style，👧🏻👩🏻就好鐘意呢種口感。而上層就有牛奶大福，味道同由細食到大既雪米糍味道相近，糯米皮夠煙韌，內餡就有啲吉士醬+朱古力醬🍫，令人食到好滿足！🌟白桃梳打白桃梳打同平時飲既幾相似，不過就有粒酒味車厘
🌟咖喱牛肋肉蛋包飯
之後食過佢地既蛋包飯超正，今次就試下咖喱牛肋肉蛋包飯！蛋皮依舊滑捋捋，一刀切開時就如瀑布般流！而咖喱牛肋肉份量頗多，咖哩汁🍛就偏日式，唔辣甜甜地，但就比平時食既日式咖哩較重香料味👍🏻。牛肋肉肥瘦均衡，瘦既部分又幾鬆化，一啲都唔覺得韌。
🌟明太子蛋包意粉
既然蛋包飯咁正，就叫埋明太子蛋包意粉🍝！明太子汁就比較稀，尚算掛汁。醬汁充滿明太子既咸香，配埋少量雜菌，唔會覺得單調👍🏻。
🌟月見雞皮餃子（2串）
日式煎餃子🥟可能食得多，用雞皮包住餃子內餡就比較少見。雞皮燒得香脆，包裹著韭菜豬肉等內餡，再沾上雞蛋燒汁，夠曬惹味！
🌟雪人布甸與牛奶大福盛
成餐嚟講👧🏻👩🏻就最鐘意呢個甜品！用上大量士多啤梨🍓作裝飾，外貌整到一隻雪人咁！底層有焦糖布丁🍮，質感係較Creamy，唔係走好滑嫩富有蛋香既Style，👧🏻👩🏻就好鐘意呢種口感。而上層就有牛奶大福，味道同由細食到大既雪米糍味道相近，糯米皮夠煙韌，內餡就有啲吉士醬+朱古力醬🍫，令人食到好滿足！
🌟白桃梳打
白桃梳打同平時飲既幾相似，不過就有粒酒味車厘子🍒，面層鋪上少量忌廉，非常清新。
🌟焙茶牛奶
係非常濃郁既焙茶牛奶🥛，少量甜味更帶出焙茶既烘焙茶香，味道不單調。
張貼
