影片
更多
2021-10-19
388 瀏覽
/地理位置嚟講有少少難搵，就喺標位停車場附近，不過呢度標位平時都幾爆，揸車人士就最好預早少少喺附近搵位。餐廳環境以紅黑格調為主，整體裝潢風格統一，餐具選用都有配合返色tone，最後有個大酒櫃，夜晚嘅時候應該都幾有feel。 / Set Lunch for two Appetizer & Salad碟豆花木魚清湯 · 鯛魚刺身木魚清湯偏啖，唔會搶咗鯛魚刺身本身嘅鮮味，帶淡淡嘅香味做點綴，而且用碟豆花嘅顏色都好靚好開胃。波特酒釀葡萄·法式鵝肝凍係我最近食過最精緻嘅Appetizer，本身自己已經好鍾意食青葡萄，用咗波特酒釀之後，葡萄中和咗酒精味，反而提升咗葡萄香甜，鵝肝凍唔會太濃，質感超綿滑﹗Soup of the day龍蝦湯明顯係落足料煮，而且有加入其他材料一齊打，一上枱勁香，湯嘅質感帶少少食材嘅蓉令口感更加豐富，蒜蓉包都整得好香脆，蒜味又香。Main法式西糟鱸 椰菜花蓉 紅腰豆糟鱸肉質比較厚實，煎完之後魚油更突出，而且火候控制得都啱啱好，好想食多件。另外係平時真係好少見咁精緻有心思嘅伴碟裝飾﹗ 慢煮西班牙黑毛豬鞍配焦糖蘋果因為我少食牛，所以今次都想試吓慢煮豬豬鞍扒配，果然肉質可以
Set Lunch for two
Appetizer & Salad
碟豆花木魚清湯 · 鯛魚刺身
木魚清湯偏啖，唔會搶咗鯛魚刺身本身嘅鮮味，帶淡淡嘅香味做點綴，而且用碟豆花嘅顏色都好靚好開胃。
波特酒釀葡萄·法式鵝肝凍
係我最近食過最精緻嘅Appetizer，本身自己已經好鍾意食青葡萄，用咗波特酒釀之後，葡萄中和咗酒精味，反而提升咗葡萄香甜，鵝肝凍唔會太濃，質感超綿滑﹗
波特酒釀葡萄·法式鵝肝凍
18 瀏覽
0 讚好
0 留言
Soup of the day
龍蝦湯
明顯係落足料煮，而且有加入其他材料一齊打，一上枱勁香，湯嘅質感帶少少食材嘅蓉令口感更加豐富，蒜蓉包都整得好香脆，蒜味又香。
Main
法式西糟鱸 椰菜花蓉 紅腰豆
糟鱸肉質比較厚實，煎完之後魚油更突出，而且火候控制得都啱啱好，好想食多件。另外係平時真係好少見咁精緻有心思嘅伴碟裝飾﹗
慢煮西班牙黑毛豬鞍配焦糖蘋果
因為我少食牛，所以今次都想試吓慢煮豬豬鞍扒配，果然肉質可以 keep到爽而不韌，配搭焦糖蘋果非常解肉嘅油膩感，食落更加開胃，而且豬鞍扒賣相同煎嘅紋都好靚，整體都唔錯。
Dessert
鮮果、蛋糕、雪糕
甜品好精緻，雪糕朱古力味超濃，又唔會太甜，特別係馬卡龍平食我好怕食，但呢個又幾好味，中間層餡仲好煙韌﹗
意大利芝士蛋糕
呢個有水準﹗又滑又唔會太甜，不過個人鍾意酒味可以再重啲，兩個人Share 好開心
飲品：
飲品午餐配紅白酒，我哋就叫咗House Wine，唔算好飲開紅酒嘅我哋嚟講都覺得好易入口，酸味唔會太濃，配肉食好夾～
張貼
