船皇 (大埔超級城) (已結業)

大埔超級城底層係多間餐廳聚集嘅地方， 好多時搵嘢食都會直接去嗰一層 ，見到一間新開冇耐，主打船麵嘅餐廳， 價錢非常實惠， 而且係自助形式，快靚正！！多款泰式特有嘅調味料，都可以自己任加，絕對唔吝嗇！既然出名船麵，當然會點船麵啦！分別有撈麵同湯麵，我同老公就一人一款喇！撈麵～帶有芽菜！ 非常有口感！ 而且配料有炸豬皮、雞翼、豬腩片、豬肉丸、牛腩.... 簡直一碗滿足曬我所有願望！！！湯麵～ 加咗5蚊，升級做和牛！見到粉紅色嘅和牛，真心感到吸引，而且嫩滑非常！！5蚊就有咁嘅質素，真係超值！！飲品一啲都唔hea! 係泰式傳統嘅餐具， 點咗出名嘅泰式奶茶，果然有泰國風味。 另外， 就係青檸梳打，夏天總係想飲啲有汽嘅嘢，呢個絕對係一個唔錯嘅選擇！！另外，泰國都好出名串燒，呢度都會有得點！仲有得選擇一串還是三串添！正！串燒豬肉丸~ 豬肉丸上面塗上特製醬汁，非常惹味，而且熱辣辣，仲要夠曬彈牙！！推薦！一向食開豬頸肉都係一碟碟切好一片片，今次係串燒形式，別有一番風味㗎！