撈得喜火鍋冰室

營業中

休息中

秋風起，最適合就係打邊爐定係雞煲，朋友介紹太和嗰度開咗間新嘅雞煲店，另外都會有有啲小菜可以叫，今次小編就同朋友去試咗呢個雞煲嘅放題，一個價錢就已經包咗雞煲同埋任飲任食，海鮮肉類都非常之高質，而且雞煲呢都有辣度同麻度可以選擇，小編就揀咗椒鹽麻辣雞蝦煲，雞煲份量都幾多，而且都好香 ,另外食完雞煲之後仲可以打邊爐，牛肉方面都好高質，有手切鮮牛肉片同埋牛板腱，而且仲有枝竹+萵筍+芋頭都係小編極力推介，枝竹吸收晒雞煲嘅香味，另外芋頭呢經過特別嘅加工，擺喺個湯嗰度都好容易煮熟，至於海鮮方面都好新鮮，當中呢就有蜆，蝦，蟶子，同埋蠔，各款都好有特色，而且呢都有響鈴同炸魚皮，飲品方面除咗冷凍茶之外都有啤酒可以選擇,仲有任食雪糕添,所以總括嚟講性價比都好高，一個價錢就包晒所有嘢仲要任食兩個鐘😛