紅橋餐廳

營業中

休息中

間唔中會同屋企人光顧既餐廳，因為阿爸話佢意大利粉同咖啡幾好，價錢經濟又大份，但好多時夜晚都要等位，都幾多人排隊，可能地點近巴士站啦。今日打風，變番三號波，一個人晏晝經過紅橋見好多位，即刻入去食。叫咗個午膳套餐，忌廉蟹肉意大利飯加凍T，包餐湯同熱飲，凍飲加$3。白湯（忌廉蘑菇湯）：對上一次夜晚9點幾食，好明顯湯較稀同淡味。今日唔知係咪打風未有太多人幫襯，啲料都幾夠，又濃味。忌廉蟹肉意大利飯：份量好夠，濃味，賣相雖然一般，蟹肉稍為睇落少啲，但其實都好飽肚，而且啲汁唔會過多，唔會一路食一路要飲水。如果健康女士食，應該會覺得多。見到隔離枱多數叫一字骨蛋包飯同海南雞飯，同樣份量好多，雖然唔知係咪好食，但價錢介乎都係$55-70，同埋一個球雪糕既紅豆刨冰，下次嚟要叫下試試。