茶語

營業中

休息中

下午茶時間，同朋友行完一田去到附近嘅昌運中心，發現呢間台式小店有好多下午茶套餐選擇，好似幾吸引咁。入面位置唔多，假期下午茶時段差不多滿座，牆身有好得意嘅卡通壁畫。餐點方面，下午茶套餐同午餐都可以點，而且價格好親民。五香牛展米線非常之大碗，牛展份量都唔少。湯底係比較清淡的，所以可以食到牛展本身嘅味道，加埋少少台灣酸菜，幾開胃。 牛展煮得好腍好入味，而且米線軟硬度適中，比較掛湯，整體味道唔錯。迷你肉燥飯呢個係下午茶餐，細細碗飯，但肉燥多到可以鋪滿成碗飯，d汁非常濃郁而且帶甜味，撈飯真係一流。 另外仲有一碟小食，我點左涼拌雲耳，加左醋同蒜蓉，酸酸甜甜咁，又好爽口。芝士肉鬆蛋餅呢個係推介小食， 蛋餅煎到熱辣辣，入面芝士溶溶地，食落有拉絲效果，而且加埋肉鬆，咬落有少少脆口，好正。珍珠奶綠、柑橘檸檬我非常喜歡呢個珍珠奶綠嘅味道，茶味比較清，整體唔太甜，而且珍珠食落有Q彈感。