神石燒 (八號花園) (已結業)

前日去完大埔超級城就去咗呢一間「神石燒牛扒專門店」食燒肉，入到去餐廳環境好闊落，而且唔會好大浸油味，整體感覺幾舒適！今次我哋就揀咗傳統石燒嘅美國黑安格斯牛膈肌套餐，無論午市定晚市都有供應！佢哋啲牛肉好高質，特別係呢一款美國黑安格斯牛，牛味非常濃郁，而且牛肉好厚，入口非常之鬆軟！啖啖肉之餘，仲非常多肉汁！另外，佢哋都有個自助沙律吧，沙律菜非常之新鮮，仲要係無限添加，我就最鍾意食佢哋嘅粟米非常之清甜，生菜都好爽脆清新！整體而言，價格合理，食物質素都相當之唔錯，我認為喺大埔算係數一數二好食嘅燒肉餐廳👍🏻