木船 (已結業)

岩係泰國倒黎香港又忍唔住黎食泰國菜！😂係附近返工，日日都經過尼間餐廳，平日都見唔少人，以前食過午市，真心覺得可以再時，所以同同事約收工食晚市。我地兩個食完都覺得比起我地係泰國食既泰國菜，尼間更加好食😃同事話可能係比較岩香港人既口味掛。晚市可能因應冬天有唔少煲，冬天都係比較岩食熱辣辣啲嘢，揀左椰子雞煲，果然無失望椰子好香，啲雞又好嫩滑！一煲都好大份！兩個女仔食到後面食唔完。超級推薦呀！仲有嘢飲送！尼杯芒果冰真心大杯，超好味，不過甜左啲，勝在芒果夠新鮮！尼個木瓜沙律係我食過最豐富既沙律，有埋提子同腰果花生，不過我鍾意食番茄多啲！菠蘿炒飯酸酸甜甜，仲有勁大隻既虎蝦！超彈牙，我仲食埋串烤菠蘿，勁juicy ！