CHIMAC (大埔超級城) (已結業)

大埔超級城新開韓式炸雞店🍗，之前仲會特登去科學園，而家係大埔開咗，想食就方便好多😍店內只有3張枱大約12個坐位提供堂食，所以我都係買返屋企慢慢嘆😉🍱二人特攻炸雞盒套餐🐔🔸炸雞腿肉$168/12件🔸有骨炸雞$188/10件我就中意啖啖肉，炸雞腿肉就啱我啦，必選原味六件，另外有8款口味自選炸雞6件，洋蔥芝士味係我最愛❤️🔸迷你飯選2款我就揀咗韓式牛肉飯同辣炒年糕，細細碗啱啱好，少少辣嘅年糕軟糯煙靭，好好食👍🏻🔸小食選兩款炸紫菜卷有驚喜✨香脆嘅紫菜入邊包住韓式粉絲，外脆內軟😋🔸飲品選兩款而家仲有新店開張優惠🎉全單有八八折，仲有三人餐、四人餐等，可以一班人開心share❤️