影片
更多
2023-06-14
173 瀏覽
有朋自遠方來 不亦悅乎 因為有朋友由外地來港，所以當然要一盡地主之誼，帶他們周圍去，周圍食啦~ 朋友想去大埔林村許願樹，咁我當然就搵附近有咩食，發現林村入邊有一間餐廳，環境靚又舒適，就決定遊完許願樹後，帶朋友去這間餐廳食lunch 兼休息吓~ 餐廳面積頗大，庭園打造得好靚，好多打卡位，餐廳有室外同室內座位，而且仲有獨立包廂，可以自成一角自己開party, 而且餐廳仲係pet friendly，當日就見到柴犬聚會，主人同毛孩都好開心有咁大的活動地方~ 佢地星期六都有午餐set，亦可以散叫，所以我地揀咗2個lunch set 再散叫一D， Lunch Set有前菜(沙律或餐湯)及餐飲，其實都好唔錯，因為我地散叫咗沙律，所以朋友就跟餐湯，點了蕃茄雜菜湯及周打蜆忌廉湯，不俗。 散叫點了： 🥢煙三文魚雜菜沙律 滿滿的煙三文魚，每朵花都有2-3片煙三文魚，真係食煙三文魚都食到飽了 🥢法式焗田螺(12pcs) 朋友想試法式焗田螺, 加入牛油香草的田螺焗完好香，再配埋薯蓉，惹味! 🥢酥皮龍蝦湯配蒜蓉包/蕃茄雜菜湯/周打蜆忌廉湯 好耐無食焗酥皮湯，酥皮黎到漲卜卜，龍蝦湯濃郁，配埋個酥皮食唔
因為有朋友由外地來港，所以當然要一盡地主之誼，帶他們周圍去，周圍食啦~ 朋友想去大埔林村許願樹，咁我當然就搵附近有咩食，發現林村入邊有一間餐廳，環境靚又舒適，就決定遊完許願樹後，帶朋友去這間餐廳食lunch 兼休息吓~
餐廳面積頗大，庭園打造得好靚，好多打卡位，餐廳有室外同室內座位，而且仲有獨立包廂，可以自成一角自己開party, 而且餐廳仲係pet friendly，當日就見到柴犬聚會，主人同毛孩都好開心有咁大的活動地方~
佢地星期六都有午餐set，亦可以散叫，所以我地揀咗2個lunch set 再散叫一D，
Lunch Set有前菜(沙律或餐湯)及餐飲，其實都好唔錯，因為我地散叫咗沙律，所以朋友就跟餐湯，點了蕃茄雜菜湯及周打蜆忌廉湯，不俗。
散叫點了：
🥢煙三文魚雜菜沙律
滿滿的煙三文魚，每朵花都有2-3片煙三文魚，真係食煙三文魚都食到飽了
🥢法式焗田螺(12pcs)
朋友想試法式焗田螺, 加入牛油香草的田螺焗完好香，再配埋薯蓉，惹味!
🥢酥皮龍蝦湯配蒜蓉包/蕃茄雜菜湯/周打蜆忌廉湯
好耐無食焗酥皮湯，酥皮黎到漲卜卜，龍蝦湯濃郁，配埋個酥皮食唔錯！蕃茄湯及周打蜆忌廉湯是跟餐的，因為我地散叫咗沙律，所以朋友就點餐湯。
🥢火焰雪山 (細）
又係好耐都無食既火焰雪山，所以見到就特別叫黎試，內裏是雜果蛋糕及雪糕，外面是蛋白霜，店員會在你面前淋上酒然後點火，真係好IG-able，之後再淋上朱古力醬，味道非常夾
🌟lunch set:
🥢黑松露什菌pizza
香脆薄餅底的pizza，原來什菌加芝士都好好味，再加埋黑松露，正!
🥢香燒豬肋骨
惹味燒豬肋骨，有少少辣，味道調得好好，也很入味，豬肋骨頗大條，再加埋薯蓉，食得好飽😋
🍹飲品: 椰青水咖啡/ 藍蝶花荔枝梳打/ 紫貝天葵冰糖雪梨蘆薈
Lunch set 可以另外加錢叫特飲, 朋友分別點了藍蝶花荔枝梳打及紫貝天葵冰糖雪梨蘆薈，都幾特別；而我當然就係飲咖啡，天氣熱最好飲coffee tonic，我就點咗椰青水咖啡，椰青水清甜又Fresh，同espresso 好match，好清新❤️
張貼
