影片
更多
2023-06-05
40 瀏覽
山長水遠走到入大埔林村🤣食返餐好嘅慰勞下自己呢間餐廳環境超靚，有度假feel，一入去已經有魚池，之後就係大花園設有lunch set，包前菜、主食、飲品淨係前菜都有六款選擇：凱撒沙律、意式雜菜沙律、蕃茄雜菜湯、周打蜆肉忌廉湯、春卷、薯角主菜十三選一，意粉、risotto、pizza、扒類都有▶️ 前菜- 蕃茄雜菜湯好足料，有唔少蕃茄、椰菜、紅蘿蔔等蕃茄味道濃郁🍅鍾意佢唔水汪汪味道上偏鹹咗少少但可以接受旁邊有塊厚蒜蓉多士，用法式baguette包，口感香脆，蒜蓉醬帶香草味而不太油🥖配雜菜湯好夾▶️ 前菜- 春卷一客四件，迷你size應該係雪藏而唔係自己包🫔皮薄，炸得香脆唔油滯，幾好食入面有啲好似薯蓉質感嘅餡料，再配上少許蘿蔔粒，可以點他他醬食▶️ 香煎魚柳配蜜糖柚子汁 ($228)兩大條連皮魚柳，煎到兩面香脆肉質唔鬆散比較紮實同嫩滑，新鮮而非雪藏🐟因為落咗足夠香料調味，好夠味旁邊有一堆薯蓉，落得唔多忌廉/ 奶/ 牛油，冇咁香但夠滑，亦明顯食得出薯仔味，唔知點解有薯條嘅味道？🍟佢個蜜糖柚子汁好好食🤩質感似果jam，入邊有唔少真柚子皮絲，甜中帶啲啲苦，頓時令我諗返起濟州啲柑橘🍊同魚柳好夾，一鹹一甜
呢間餐廳環境超靚，有度假feel，一入去已經有魚池，之後就係大花園
設有lunch set，包前菜、主食、飲品
淨係前菜都有六款選擇：凱撒沙律、意式雜菜沙律、蕃茄雜菜湯、周打蜆肉忌廉湯、春卷、薯角
主菜十三選一，意粉、risotto、pizza、扒類都有
▶️ 前菜- 蕃茄雜菜湯
好足料，有唔少蕃茄、椰菜、紅蘿蔔等
蕃茄味道濃郁🍅鍾意佢唔水汪汪
味道上偏鹹咗少少但可以接受
旁邊有塊厚蒜蓉多士，用法式baguette包，口感香脆，蒜蓉醬帶香草味而不太油🥖配雜菜湯好夾
▶️ 前菜- 春卷
一客四件，迷你size
應該係雪藏而唔係自己包🫔
皮薄，炸得香脆唔油滯，幾好食
入面有啲好似薯蓉質感嘅餡料，再配上少許蘿蔔粒，可以點他他醬食
▶️ 香煎魚柳配蜜糖柚子汁 ($228)
兩大條連皮魚柳，煎到兩面香脆
肉質唔鬆散比較紮實同嫩滑，新鮮而非雪藏🐟因為落咗足夠香料調味，好夠味
旁邊有一堆薯蓉，落得唔多忌廉/ 奶/ 牛油，冇咁香但夠滑，亦明顯食得出薯仔味，唔知點解有薯條嘅味道？🍟
香煎魚柳配蜜糖柚子汁
$228
8 瀏覽
0 讚好
0 留言
佢個蜜糖柚子汁好好食🤩質感似果jam，入邊有唔少真柚子皮絲，甜中帶啲啲苦，頓時令我諗返起濟州啲柑橘🍊同魚柳好夾，一鹹一甜，連薯蓉我都會溝呢個醬食😆
▶️ 脆炸德國咸豬手配蜜糖芥末籽汁 ($268)
真係成隻鹹豬手上，份量頗大又多肉🐷
一上枱聞到超香炸物味
平時唔食豬手嘅我都試一試，比預期中好食，食落係火腿味道，但再鹹啲
肉與肉之間有啲透明骨膠原，好似牛展啲透明啫喱咁，質感爽彈
朋友覺得個皮可以再脆口啲，可能因為我哋放咗陣先食，所以淋咗少少
蜜糖芥末醬有wasabi攻鼻嘅味道，另外仲有一個甜嘅果醬汁，可以按自己喜好選擇
初次嘗試，唔錯🙈
旁邊配上薯角同茄汁做伴碟
脆炸德國咸豬手配蜜糖芥末籽汁
$268
21 瀏覽
0 讚好
0 留言
▶️ 燒美國安格斯肉眼扒8oz ($298)
原先揀咗五成熟，上到嚟應該大概八成？已經唔紅同冇血🥩
肉質意外地鬆軟唔韌，冇咩筋位，肥膏只有一條邊位
整體燒得幾出色嘅肉眼扒👍🏻可能juicy啲再好食啲
配送嘅醬汁比較淡味，唔係一般常見嘅黑椒汁，唔會蓋過牛味
同樣有薯蓉做伴碟🥔
燒美國安格斯肉眼扒8oz
$298
5 瀏覽
0 讚好
0 留言
▶️ 梳乎厘 ($116/2個)
估唔到連疏乎厘都有咁多口味揀：原味、朱古力、薑、橙、雲呢拿🤯
即叫要即整，見個廚師由溝粉打蛋開始，所以疏乎厘嚟到仲熱辣辣脹卜卜
亦因為咁樣兩個疏乎厘一定要揀同一隻味
侍應話薑味比較受歡迎，就跟佢推介叫
面頭燒過之後形成焦糖面，食落脆少少🤏🏻層次豐富啲
疏乎厘非常輕身，係打成泡狀嘅蛋白，口感似濕潤啲嘅mashmallow，入口即溶
另外落咗少許糖漿，微微帶啲薑味🫚
成個甜品唔會好甜，感覺好light，整得好出色因為疏乎厘唔易整
梳乎厘
$116
1 瀏覽
0 讚好
0 留言
▶️ 餐飲- 檸檬茶、奶茶
-
整體所有食物超有水準，用料靚同新鮮，烹調有心思，選擇豐富！
服務態度都好好，侍應好友善，因為閑日晏晝嚟唔算多人，照顧周到☺️
成間餐廳非常大，有大量室外座位，有啲仲要係獨立屋仔，好有私人空間🏠園內有唔少打卡位，喺度開party搞event唔錯
原先價位算高檔，但係食質素、份量、環境來講性價比合理
最好係完全唔限時間，同朋友吹水吹咗兩個鐘🤣舒服過去嘆Cafe！
張貼
